MANILA – Ilang araw na lang bago ang inaabangang pag-iisang dibdib ng basketball star Kiefer Ravena at ng kanyang fiancée na si Diana Mackey, at tila ready na ang lahat—lalo na ang puso ng soon-to-be Mr. and Mrs. Ravena.
Sa isang Instagram post ngayong Martes, ibinahagi ng celebrity couple ang ilan sa kanilang romantic prenup photos, senyales na malapit na talaga ang kanilang big day.
Noong May 25, inamin ni Ravena na ang nalalapit na kasal ay nagbibigay sa kanya ng panibagong sigla at motibasyon—hindi lamang sa buhay, kundi pati sa kanyang basketball career.
“Just being able to start up a new direction of my life… being a family man, getting married next month… it keeps me hungry, keeps me more competitive,” ani Ravena.
“Ngayon, masasabi ko na I’ll make basketball fun again, knowing that I play for a few more people in my life.”
Bukod sa kasal, blessed din ang couple sa pagdating ng kanilang unang anak, na inanunsyo nila noong Marso.
Isang buhos ng love and blessings ang dumarating sa Ravena-Mackey tandem, at maraming fans at kaibigan sa sports at showbiz world ang nagpaabot ng kanilang congratulatory messages at suporta.
Sa kabila ng pressure sa professional basketball at ang spotlight ng showbiz, tila kalmado at puno ng pananabik si Kiefer sa bagong yugto ng kanyang buhay.
“Hindi lang ito bagong kabanata sa buhay ko. Isa rin itong paalala kung bakit ko ginagawa ang lahat ng ito,” dagdag pa ni Ravena.
More Stories
Most Wanted sa carnapping, kusang sumuko sa Caloocan Police
Radio DJ Nicole Hyala, ibinunyag na may thyroid cancer: “Mali ka ng kinalaban!”
Johann Chua wagi sa all-Filipino finals ng 2025 9-Ball 99 David Loman Cup