UMARANGKADA na ang kauna-unahang invitation golf tournament ng Pampanga Press Club sa Pradera Verde Gold & Country Club sa Lubao noong Miyekules, Mayo 15, 2024.
Sinimulan ang tournament sa pamamgitan ng isang ceremonial tee-off, na pinangunahan nina Department of Budget and Management Undersecretary Goddes Hope Libiran, Savers Group Holdings Inc. President and Chief Finance Officer Jansen Ivan Uy, Mabalacat City Legal Officer Francis A. Dimaliwat at JDN Realty Chairman Arni Valdez.
Mahigit sa 80 golfers ang sumabak sa tournament.
Ang mga nanalo ay ang mga sumusunod: Low Gross Champion Shiela Ward, at ang Overall Champion ay Andy Choi.
Kampeon sa Class C Division – Winfrey Advincula; at runner-up si Kerwin Ong; Class B Champion – Winfrey Advincula, na sinundan ni Oliver Fernandez bilang runner-up.
Nagpasalamat naman ang mga opisyal at miyembro ng PPC, sa pangunguna ni President Noel Tulabut at Chairwoman Tonette Orejas, sa mga lumahok sa pagiging bahagi ng kasaysayan ng press club.
Nangako si Tulabut na ang future editions ng PPC golf tour ay mas magiging malaki, makulay at kapana-panabik.
Ang PPC ay isa sa pinakamatandang press clubs sa bansa. (RON TOLENTINO)
More Stories
P761K droga, nasamsam sa Caloocan buy bust, 3 tiklo
Leader ng “Melor Robbery Gang” na wanted sa Valenzuela, timbog!
VP Sara tinatakasan P612.5-M confidential fund