JACK ANIMAM AT RADNICKI, PINITIK ANG STUDENT SA SERBIAN WOMEN’S LEAGUE

Sa kabila ng limited playing time ni Jack Animam, nagawa pa rin ng SPD Radnicki na pataubin ang Student sa iskor na 112-91 sa 2021-22 First Women’s Basketball League o Serbia season. Idinaos ang laro sa SC Cair sa Nis sa Serbia.

Sa kabila ng foul trouble, nakapagtala si Animam ng 10 points, 6 rebounds at 3 assists. Hindi na siya nakapaglaro sa final frame. Ito’y dahil sa hindi na kinakailangan dahil tambak na nila ang Student sa iskor na 92-66.

Dahil sa panalo, napaigi ng Radnicki ang standing sa 4-3 at 6 seed sa liga. Ang Student naman ay bumulusok sa 1-6 record.

Susunod na makakaharap ng team ni Animam (NU Bulldogs basketress) ang Vrbas Medela (2-5) sa November 20.