ISLAY ERIKA AT RAN LONGSHU BAKBAKAN SA ONE CHAMPIONSHIP

Muling lalaban sa One Championship ang Pinay mixed martial artist na si Islay Erika Bomogao sa Enero-10.

Makakalaban ng Igorota Muay Thai fighter ang Chinese fighter na si Ran Longshu sa ilalim ng 101-pound catchweight Muay Thai.

Ang bakbakan sa pagitan nina Bomogao at Longshu ay isa sa 12 fights na nakahanay sa Enero-10.

Gaganapin ang naturang laban sa Lumpinee Stadium sa Thailand.

Maaalalang nitong huling bahagi ng 2024 ay naging world number 1 si Bombogao sa 45kg female elite division ng International Federation of Muaythai Associations (IFMA).

Siya ang kauna-unahang Pinay na nakakuha sa naturang award.

Bago ang kaniyang pagpasok sa One Championship ay nagsanay siya kasama ang ibang malalaking Filipino MMA fighter tulad nina Edward Folayang at Geje Eustaquio. RON TOLENTINO