International flight operation sa NAIA Terminal 3, magbabalik sa Hulyo 8

BUBUKSAN na ang international flights operation sa Ninoy Aquino International Airports (NAIA) Terminal 3 simula sa Hulyo 8.

“After temporarily closing its doors on March 28 this year, NAIA Terminal 3 will finally open its gates to resume international flight operations beginning 12:01 a.m. of July 8, 2020,”  ayon sa Manila International Airport Authority (MIAA).

Lahat ng flight ng Nippon Airways (ANA), Air Aisa Berhad (AK), Cathay Pacific (CX), Emirates (EK), KLM Royal Dutch Airlines (KLM), Qatar Airways (QR), Singapore Airlines (SQ) and Turkish Airlines (TK) ay darating at aalis mula sa Terminal 3 simula sa July 8.

Bagama’t, mananatili pa ring suspendido ang international operation ng iba pang airline carriers gaya ng Cebu Pacific, Delta Air, Qantas Airways, at United Airlines sa Terminal 3.

Samantala, tuloy pa rin ang pagserbisyo ng NAIA Terminal 2 sa international arrival flights ng Philippine Airlines.

Mananatiling naka-assign ang mga sumusunod na airline companies sa Terminal 1:

– Air China (CA)
– Air Niugini (PX)
– Asiana Airlines (OZ)
– China Airlines (CI)
– China Eastern (MU)
– China Southern (CZ)
– Etihad Airways (EY)
– Eva Air (BR)
– Ethiopian Airlines (ET)
– Gulf Air (GF)
– Hong Kong Airlines
– Japan Airlines (JL)
– Jeju Air (7C)
– Jetstar Asia (3K)
– Jetstar Japan (GK)
– Korean Airlines (KE)
– Kuwait Airways (KU)
– Malaysian Airlines (MH)
– Oman Air (WY)
– Royal Brunei Airlines (BI)
– Saudia Airlines (SV)
– Scoot (TR)
– Thai Airways (TG)
– Xiamen Air

Makakapagsagawa naman ng domestic operations at sweeper flights ang Cebu Pacific (5J), Cebgo (DG), Philippines Air Asia (Z2) at Air Swift sa NAIA Terminal 3 habang Philippine Airlines (PR) at PAL Express (2P) naman sa Terminal 2.

Ayon sa MIAA, “until further notice” pa rin ang pagsasara sa Terminal 4.

Inabisuhan ng MIAA ang publiko na i-check ang airline websites para sa iba pang anunsiyo.