Cemetery pass sa paggunita ng Undas sa Navotas

INANUNSYO ng Pamahalaang Lungsod ng Navotas na bukas para sa mga gustong bumisita sa namatay na mahal nila sa buhay ang mga pribado o pampublikong sementeryo, memorial park, o columbarium sa October 30 hanggang November 3, 2022.

Ayon kay Mayor John Rey Tiangco, para maging ligtas at maayos ang paggunita ng Undas ay kailangan sundin ang mga patakaran.

Kumuha ng cemetery pass dalawang araw bago bumisita sa puntod at para makakuha nito, mag-TEXT JRT na nakalagay ang pangalan, address, edad, petsa, at araw ng pagbisita sa mga cemetery (public, catholic, immaculate garden).

Hintayin ang reply ng TEXT JRT para sa cemetery pass. Ang pass ay magagamit lamang ng tatlong tao alinsunod sa schedule na nakalagay. Ipakita ang cemetery pass at vaccination ID sa mga nakabantay sa sementeryo.

May walong time slot ang pagbisita, 7am-9am, 9am-11am, 11am-1pm, 1pm-3pm, 3pm-5pm, 5pm-7pm, 7pm-9pm at 9pm-11pm.

Paalala ng lokal na pamahalaan, iwasang magdala ng inuming nakalalasing, bawal magdala ng ng kahit anung uri ng patalim o matutulis na bagay na nakakasakit, bawal magsugal, bawal lumikha ng ingay, magsuot ng face mask at siguraduhing may 1-2 metrong distansya mula sa mga kasama.

Pakiusap din pamahalaang lungsod, huwag na magsama ng mga bata o matatanda para masiguro ang kanilang kalusugan at kaligtasan.