Pormal nang hiniling ng mga prosecutors ng Kamara de Representantes kay Senate President Francis “Chiz” Escudero na mag-isyu ng writ of summons laban kay Vice President Sara Duterte upang obligahin siya na magsumite ng kanyang kasagutan sa Articles of Impeachment na inaprubahan ng 215 kongresista upang siya ay ma-impeach sa kanyang puwesto.
“Wherefore, it is respectfully prayed that the Honorable Presiding Officer, Senate President Francis Joseph G. Escudero, ISSUE the WRIT OF SUMMONS to respondent Vice President Sara Zimmerman Duterte DIRECTING her to file an Answer to the Articles of Impeachment within a non-extendible period of ten (10) days from receipt of the Writ of Summons,” nakasaad sa liham ni Libanan na may petsang Marso 14, 2025.
Iginiit ng House panel of prosecutors kay Escudero na dapat nang ipatawag si VP Sara matapos iendorso ng Kamara sa Senado ang Verified Complaint for Impeachment laban sa Bise Presidente na inihain, bineripika, at pinanumpaan ni House Secretary General Reginald Velasco na ito ay nilagdaan ng hindi bababa sa one-third (1/3) ng mga miyembro ng Mababang Kapulungan noong Pebrero 5, 2025.
Ayon kay Libanan, ang kanilang hiling kay Escudero na isyuhan na si VP Sara ng writ of summons ay naaayon sa Rules of Procedure on Impeachment Trials. Ipinadala ng mga House prosecutors ang liham sa gitna ng pagmamatigas ni Escudero na hindi maaaring madaliin ang proseso ng impeachment upang matiyak na hindi ito magkakaaberya dahil sa kakulangan ng paghahanda ng Kamara at Senado.
More Stories
REGISTERED OWNER AT DRIVER NG DUMP TRUCK NA SANGKOT SA AKSIDENTE SA EDSA BUS CAROUSEL SA QC IPINATATAWAG NG LTO
MAYOR BASTE, GRINGO HONASAN MAGHAHAIN NG PETISYON SA ICC PARA MAIBALIK SI FPRRD SA ‘PINAS
NAVOTAS, PINASINAYAAN ANG CONVENTION CENTER