Goodbye PH na? Daniel Padilla, magma-migrate na sa America

MAKIKIPAGSAPALARAN daw si Daniel Padilla sa land of milk and honey, para subukang pasukin ang mundo ng showbiz sa ibang bansa.

Pero paanong mangyayari iyon, dahil nag-renew pa ito ng kontrata niya sa ABS-CBN at Star Magic? Kung bigla na lang siyang aalis, isa na namang gulo ang kanyang gagawin.

“Kaya ibinenta ni Daniel ang mga naipundar niya ay para sa plano niyang pagma-migrate sa America.

“Gaya nina Gabby Concepcion at Liza Soberano, gusto rin ni Daniel Padilla na pasukin ang showbiz sa ibang bansa.

“Kahit daw hindi biro ang mag-establish ng showbiz career sa America, susubukan daw ito ng aktor. “Suportado naman siya ng kanyang pamilya, sa plano niyang pagma-migrate at pag-try na pasukin ang showbiz sa ibang bansa,” nalulungkot na salaysay ng aking source.