
Hinablot ng Golden State Warriors ang panalo sa Game 1 ng Western Conference Finals. Tinaga ng Warriors ang Dallas sa isang blow-out win, 112-87. Bumira sa opensa ng Dub City si Steph Curry na naglista ng 21 points. Kasama na rito ang 12 boards at 4 assists.
Nagdagdag naman si Andrew Wiggins at Jordan Poole ng tig-19 points. Nag-ambag naman si Klay Thompson ng 15 points, 5 boards at 4 assists. Sa panig naman ng Mavs, kumamada si Luka Doncic ng 20 points, 7 boards at 4 assists.
Tumipa naman si Spencer Dinwiddie ng 17 points, 2 assists at 1 board. Lumagare agad sa opensa ang Warriors. Kaya, bitbit nito ang 9 point lead, 54-45 sa first half. Subalit, rumatsada ang Golden State sa opensa at hinigpitan ang depensa. Kung kaya, pinamaga ng team ang kanilang lamang sa may hang-over pang Dallas.
More Stories
GSF TANAY RAVEN SIKARAN HANDA NA SA NATIONAL TILT
MPBL 2025 Season… BAGITO PERO MABALASIK NA DAVAO OCC. TIGERS COCOLIFE KILALANIN!
BOXING LEGEND GEORGE FOREMAN PUMANAW NA, 76