MARUBDOB ang hangarin ng Samahang Basketbol ng Pilipinas ( SBP)na babawiin ang humulagpos na glorya sa larangan ng basketbol ng Gilas Pilipinas.
Kanilang hahablutin ang basketball gold medal mula Indonesia na tumalo sa Gilas-Pilipinas sa unang pagkakataon sa SEA Games basketball championship noong nakarasng taon sa Hanoi, Vietnam.
Isinumite na ng SBP ang 28-man pool line-up, sa pangunguna ni PBA six-time MVP Junmar Fajardo at bagong naturalized Filipino at best import sa nakarang PBA Commissioner’s Cup na si Justine Brownlee, ang bubuo sa komposisyon ng national team sa susunod na buwang SEA Games na iho- host ng Phnom Penh , Cambodia kung saan ay sila ang punong-abala sa unang pagkakataon.
Bukod kina Fajardo at Brownlee, kabilang sa 28-man pool sina C.J. Perez, Chris Ross, Marcio Lasseter, Japeth Aguilar, Scottie Thompson, Jaime Malonzo, Christian Standhardiger, Stanley Pringle, Roger Pogoy, Calvin John Oftano, John Eram, Micheal William, Chris Newsome, Raymond Almazan, Norman Aaron Black, Arvin Tolentino, Kevin Louie Alas, Brandon Rosser, Deschon Winston, Kevin Quiambao, Jerome Lastimosa, Mason Amos, Benjamin Philips, Ariel Edu at Jeremiah Gray.
Masidhi ang hangaring makaresbak ni Gilas-Pilipinas coach Chot Reyes sa mga Indonesians upang maiuwi ang gold medal .
Ang pagkatalo sa Indonesia ang pumigil sa nationals sa kanilang 52-game winning streak mula noong 1997.
“The moment is upon us, and we are not leaving any stone unturned in our overall bid to regain basketball glory in the region,” wika ni SBP head Al Panlilio.
More Stories
MGA MAYOR SA RIZAL SUPORTADO SI CHAVIT SINGSON
6 tulak, nadakma sa higit P.2M shabu sa Navotas
Higanteng Christmas tree sa Araneta City pinailawan