FIREWORKS RELATED INJURIES PUMALO NA SA 96 – DOH

Lumobo pa sa 96 ang naitalang fireworks-related injuries sa bansa ilang araw bago ang pagsalubong sa Bagong Taon.

Ayon sa FWRI report ng Department of Health, pumalo sa walo ang bagong kaso ng mga nadisgrasya dahil sa paputok batay sa 24-hour monitoring ng ahensiya.

Isa sa mga bagong kaso ang isang 23-anyos na babae mula sa Central Luzon na nabingi dahil sa kwitis.

Samantala, karamihan sa mga naitalang kaso ay mula sa National Capital Region na may 33, sinundan ng Central Luzon at Ilocos na may tig-12.