DRAGONBOAT RACE FESTIVAL SASAGWAN SA TALISAY, BATANGAS

MASASAKSIHAN ang mga pinakamahuhusay na paddlers ng bansa sa pagratsada ng tatlong araw na karerang  sasagwan sa lawa ng Taal sa Oktubre 7 hanggang 9 sa Talisay,Batangas.

Sa idinaos na paglulunsad ng higanteng kaganapan kamakalawa sa Club Balai Isabel ng naturang bayan, ang kumpetisyon na may basbas ng Philippine Canoe Kayak and Dragonboat Federation at suportado ng grupong Sagip Taal Lake, Club Balai Isabel, local government unit ng Talisay, Rea EventSpecialist ay lalahukan din  ng mga nasa miyembro ng elite na paddlers na naghahanda sa mga international events tulad ng Asian Games, Asian indoor sports at Southeast Asian Games sa susunod na taong 2023.

Ang tunggalian sa lawa ng mga batikang mananagwang kabataan ay may temang ‘Sagip Taal Lake at may titulong SAGWAN SAGIP TAAL LAKE ayon kay Club Balai Isabel Account Executive Arnnie Miano kasabay na rin ng pagdiriwang ng asosasyon.

Ang kaganapan sa timon ng NSA ng bansa na PCKDF ay pinamumunuan ng pangulo na si Teresita Uy  katuwang si secretary general Borg Pelias habang si  Leonor Escollante ang siyang head coach.