Dragon naispatan ni KC Montero sa Pasig

Nagmimistulang malaking zoo na ang Pilipinas dahil sa mga nagsusulputang mga hayop.

Una na nga rito ang nag-viral na ostrich na nakitang nanakbo sa isang exclusive subdivision sa Quezon City.

Pagkatapos ay baboy sa Cebu at baka naman sa Iloilo City.

Ngayon naman ay dalawang ‘dragon’ ang namataan sa Pasig City ng aktor na si KC Montero.

Nanawagan pa kay Mayor Vico Sotto  ang naturang aktor kaugnay sa nakuhaang video ng mga dragon at kung papaano niya hahawakan ang ganitong sitwasyon.

 “WTH!! An Ostrich in QC, pig in Cebu, cow in Iloilo and now this in Pasig? Mayor Vico how do you intend to handle this!?”

Katuwaan lamang ang nasabing video sa kanyang Instagram feed kung saan namangha ang mga netizen sa nasabing animation.