NAGBANTA si dating Pangulong Rodrigo Duterte na dadanak ng dugo kapag tinangka siyang arestuhin ng International Criminal Court (ICC).
Ayon kay Duterte, asahan na magkakabarilan sa pagitan niya at mga taga-ICC dahil hindi umano siya pahuhuli nang buhay.
“Walang pakialam ang ICC sa akin at hindi nila ako mahuhuli talaga. Mahuhuli nila ako, patay. Kung gusto man nilang magtangka pumasok, unahin ko na sila muna,” aniya.
“Kung pumunta sila rito, arestuhin nila ako rito, magkabarilan talaga ‘yan. At uubusin ko ‘yang mga p***ng i***g ‘yan,” saad pa niya.
Sinabi rin ng dating pangulo na ayaw raw niyang masangkot si Pangulong Ferdinand “Bongbong” Marcos Jr. sa isyu.
“Ayaw kong ma-involve si Marcos dito. Si Marcos, walang pakialam sa–Kung tumulong siya, bahala siya. Pero ako, hindi ako papahuli,” giit ni Duterte.
Pinuri rin naman ng dating pangulo ang naging pahayag kamakailan ni Marcos na hindi raw dapat ang ICC ang magdedesisyon kung sino ang aarestuhin at uusigin sa Pilipinas.
Matatandaang noon lamang Enero 23 nang igiit ni Marcos na itinuturing niyang “banta” sa soberanya ng bansa ang ICC at hindi umano makikipagtulungan ang pamahalaan sa imbestigasyon nito sa war on drugs ng administrasyong Duterte.
More Stories
P761K droga, nasamsam sa Caloocan buy bust, 3 tiklo
Leader ng “Melor Robbery Gang” na wanted sa Valenzuela, timbog!
VP Sara tinatakasan P612.5-M confidential fund