Brownout sa iba’t ibang bahagi ng Tondo, ibinabala ng Manila LGU

PINAALALAHANAN ng pamahalaang lungsod  ng Maynila ang mga Manilenyo sa nakaambang brownout bukas, Agosto 16, 2022.

Ayon sa impormasyon ng Manila Public Information Office, ang mga makakaranas ng power interuption ay ang mga sumusunod:

Bahagi ng Solis St. magmula Dagupan Ext. St. hanggang sa Paterno St. kasama ang Caloocan at 10 De Junio Sts.

Bahagi ng New Antipolo St. magmula Solis St. hanggang M. Guijon St.

Ayon sa Manila Electric Company (Meralco), ito ay dahil sa isinasagawang facility relocation para sa NLEX-SLEX Connector Road sa New Antipolo St. sa Tondo.