METRO MANILA – Iginiit ng isang Health official na dapat panatilihin ng bansa ang mahigpit na border controls upang maiwasan ang banta ng mas nakakahawa at matinding Delta variant.
“Dapat ipagpatuloy lang ang mahigpit na border control o we can prevent that it reaches our community and it will have community transmission,” ayon kay Health Spokesperson Maria Rosario Vergeire sa isang virtual briefing.
Muli rin nitong pinaalalahanan ang publiko na dapat sumunod sa minimum health protocols.
Pinaniniwalaan na ang Delta coronavirus, na unang nakilala sa India noong Pebrero, ay 60% na higit na nakakahawa keysa sa Alpha variant at maaring maging sanhi ng matinding sintomas.
Dapat ding asahan ng mga ospital ang pagdagsa ng mga pasyente na may COVID-19 kung kakalat ang Delta variant, ani ni Vergeire.
“Kapag nakuha mo ang Delta variant, ang probability na ma-ospital ka ay mas mataas,” aniya.
Ayon kay Dr. Soumya Swaminathan, chief scientist ng World Health Organization, maaring lumitaw ang Delta variant bilang nangingibabaw na coronavirus variant sa buong mundo.
More Stories
Bong Revilla, Villar at iba pa pormal nang inendorso… MGA PAMBATO NI MARCOS SA PAGKA-SENADOR WALANG BAHID NG DUGO, KORAPSYON
Survivor sa “Superman stunt” sa Marilaque binawian ng driver’s license ng LTO
KICK-OFF MOTORCADE RALLY NG ‘ANG BUMBERO NG PILIPINAS’ PARTY-LIST RUMATSADA NA