WALANG HOST, WALANG SHOW! Malaking posibilidad na tuluyan nang ma-shelve ang inaabangang 2025 PBA All-Star Game matapos mabigo ang liga na makipagkasundo sa isang probinsyang sana’y magho-host ng mid-year basketball extravaganza.
Ayon kay PBA Commissioner Willie Marcial, nagkausap na sila ng isang lokal na pamahalaan para i-host sana ang event, pero hindi nagtagpo ang mga iskedyul.
“Yung All-Star malamang mawala kasi yung kausap nating probinsya, hindi sila pwede sa mga dates,” ani Marcial nitong Miyerkules, Abril 23.
Unang pinlano ang All-Star Weekend sa Davao sa unang linggo ng Mayo, pero dahil sa security concerns, naudlot ito. Sinubukang itulak ang event sa May 16-17, matapos ang eleksyon, pero wala nang ibang LGU ang kumagat bilang host.
Resulta? Wala na. Cancelled na.
Pero may good news pa rin kahit papano: matutuloy pa rin ang trust fund ng mga players kahit kanselado ang All-Star.
Sayang, mga idol! Walang dakdakan, walang slam dunk, walang fan meet. Mukhang hanggang highlight reel muna ang PBA fans ngayong taon.
Abangan nalang ang susunod na tipoff! (RON TOLENTINO)
More Stories
No. 8 MOST WANTED SA PASIG, ARESTADO SA ISABELA!”
Scam Alert: DMW Binalaan ang OFWs sa Pekeng Pautang sa Facebook
Pamamaril sa Radio Blocktimer sa Talisay, Kinondena ng Negros Press Club