PINAG-IISIPAN ni Sen. Ronald dela Rosa na lumipad patungong The Hague, Netherlands para bisitahin si dating Pangulong Rodrigo Duterte, na kasalukuyang nasa kustodiya ng International Criminal Court dahil sa kasong crime against humanity.
“Mag-try ako mag-apply ng Schengen visa kung iisyuhan ako. ‘Pag may pagkakataon, before elections, sana makabisita muna ako sa kanya,” ayon kay Dela Rosa.
Una nang sinabi ni Dela Rosa, na muling tumatakbo bilang senador, na magtatago siya para hindi maaresto ng ICC sakaling maglabas ng warrant ang ICC laban sa kanya dahil sa umano’y naging papel nito sa madugong giyera kontra droga.
Ayon sa senador gusto niya pa ring bisitahin si Duterte kahit mapanganib dahil baka arestuhin siya habang naroroon.
“Sige lang. I-detain lang ako. Pero pagpunta ako doon sa The Hague, mag-wig ako. Mag-wig ako para hindi nila ako makilala doon,” saad niya.
More Stories
PAMILYA MUNA
Arrival honors ng bagong QCPD chief ginanap sa Camp Karingal
2 wanted na kriminal, nasilo sa Navotas