ASFv Nanogold Biosensor Kits at Laboratory Equipment ipagkakaloob sa Candon City

GAGAWARAN ng Department of Science and Technology-Region 1 (DOST Region 1), sa pamamagitan ng Provincial Science and Technology Office-Ilocos Sur (PSTO-IS), ng ASFv Nanogold Biosensor Test Kits and Laboratory Equipment ang Candon City bilang bahagi ng kanilang Smart and Sustainable Communities Program.

Layon ng programa na palakasin ang kakayahan ng siyudad sa paglaban sa African Swine Fever (ASF) sa pamamagitan ng maagang pag-detect at pagtugon habang itinataguyod ang sustainable agriculture sa tulong ng innovative technologies.

Ang ASFV Nanogold Biosensor Tesk Kit, na dinebelop ni Dr. Clarissa Yvonne Domingo at kanyang team mula sa Central Luzon State University (CLSU), ay ang unang Filipino-designed screening tool para sa ASF. Nade-detect nitong advance diagnostic kit ang ASF viral nucleic acids sa biological at environmental samples, kabilang ang blood, tissues, surface swabs, farm water at processed pork products.

“With results available in just 30 minutes, the technology combines a nucleic acid-based assay and nanotechnology using gold nanoparticles for quick and reliable visualization. The cost-effective and environmentally friendly kit provides a vital tool for managing ASF outbreaks and rebuilding the swine industry,” ayon sa DOST.

Gaganapin ang awarding ceremony at training sa Candon City. Igagawad ni Engr. Jordan Abad, Provincial Director ng PSTO-Ilocos Sur, na kakatawan kay DOST Region 1 Regional Director Dr. Teresita Tabaog, ang naturang kits at equipment kina 𝗗𝗿. 𝗖𝗹𝗮𝗿𝗮 𝗟𝗮𝘆-𝘆𝗮𝗴, City Veterinarian; 𝗔𝘁𝘁𝘆. 𝗗𝗮𝗻 𝗚𝗮𝗰𝘂𝘀𝗮𝗻𝗮, LGU Representative; 𝗠𝗿. 𝗟𝗲𝗼𝗻𝗰𝗶𝗼 𝗕𝗮𝗹𝗯𝗶𝗻, 𝗝𝗿., City Information Officer; at 𝗠𝗿. 𝗘𝗿𝗶𝗰 𝗚𝗮𝗰𝘂𝘁𝗮𝗻, City Agriculturist.

Tiniyak ni Dr. Domingo, na mangunguna sa technical training, na magagamit ng mga participant nang epektibo ang diagnostic tool upang subaybayan at kontrolin ang ASF sa loob ng lungsod.

Ang awarding ng ASFV Nanogold Biosensor Test Kits at laboratory equipment ay isang testamento ng commitment ng DOST sa Science, Technology at Innovation. Ang pagbibigay ng mga advanced na kagamitan sa Candon City bilang isang 𝗦𝗺𝗮𝗿𝘁 𝗖𝗶𝘁𝘆 ay tutugon sa mga hamon sa agrikultura partikular sa industriya ng baboy at titiyak sa seguridad sa pagkain.

Ang inisyatibang ito ay alinsunod na rin sa pagsisikap na palakasin ang local swine industry, na labis na naapektuhan ng ASF. Sa pamamagitan ng maagap na detection at pagkontrol sa ASF outbreaks, mapapahusay ng Candon City ang pamamahala sa kanilang mga hayop, masusuportahan ang muling pagbangon ng ekonomiya, at patataasin ang tiwala ng publiko sa produksyon ng baboy.

Ang DOST Rehiyon 1 ay nakatuon sa pagpapaunlad ng mga lokal na pamayanan at sa pagbibigay ng suporta para sa malinaw at mapapanatiling pag-unlad sa Ilocos Sur!