ANDRE DRUMMOND, NILAMBAT NG LOS ANGELES LAKERS

Double luck ang siste ngayon ng Los Angeles Lakers. Bukod sa nanalo sila sa dikitang laro kontra Orlando magic, 96-93, nakuha pa nila ang isang matikas na big man.

Ito ay sa katauhan ni Andre Drummond. Si Drummond ay nakuha mula sa Cleveland Cavaliers.

Sa pag-entra nito sa gold and purple team, makatutulong si Drummond sa front court ng Lakers. Gayundin sa depensa.

Siya ay may average na 1.5 blocks per game. Isa siya sa mahuhusay na rebounders sa liga ngayon

“He can win one or two playoff games for them just with his size and physicality alone,” saad ni Magic coach Steve Clifford sa pagtungo ni Drummond sa Lakers.