ALEX PAGULAYAN, NAGBULSA NG $ 21,467 TOTAL PRIZE MONEY SA 3 BILLIARD EVENTS

Sinargo ni Filipino-Canadian Alex Pagulayan ang 3-billiard titles sa 2022 Scotty Townsend Memorial na idinaos sa West Monroe sa Los Angeles, California.

Unang umarangkada si Pagulayan sa One Pocket Division. Kung saan pinataob nito si Scott Frost ng Amerika sa finals para maibulsa ang $9,000 prize money.

Wagi rin siya sa 9-Ball Division matapos talunin si Robbie James Joaquin Capito ng Hong Kong at ibinulsa ang $5,300 top purse. Kinubra rin nito ang kampeonato sa 10-Ball mini event para sa $1,850 premyo.

Ito ang unang tatlong titulo ni Pagulayan sa taong ito. Sa kabuuan, may $21,467 premyo nang nalilikom si Pagulayan para umangat sa ranking ng world moneymaker list ng AZ billiards.