
Sinilat ng tambalan nina Alex Eala at Oksana Selekhmeteva ang kalaban sa French Open girls doubles tournament. Tinalo ng dalawa sina Croatian Petra Marcinko at Hungarian Natalia Szbanin, 7-6 (7), 7-6 (5).
Dahil dito, abanse ang dalawa sa semifinals ng torneo sa Stade Roland Garros sa Paris, France.
Sa unang tikada ng match-up, nangapa si Eala sa second set. Ito’y matapos rumatsada ang dalawa sa 4-1 lead.
Pero, nahabol ang kalaban at naungusan pa sila sa 6-5 advantage. Subalit, muling nakabawi ang Filipino-Russian pair sa pagtabla sa 6-6 sa set.
Dahil sa magandang teamwork ng dalawa, nakabuwelta ang duo sa 7-5 comeback upang kunin ang panalo.
Sa kanilang pag-usad sa semifinal round, makahaharap nina Alex Eala at Selekhmeteva sina Eleanora Alvisi at Lisa Pigato ng Italy.
More Stories
Pinay Lawyer, Pasok sa Top 200 World Rankings sa Padel
Mayor Dante Esteban Cup 2025… SEALIONS PAPASIKLAB SA CALINTAAN, MINDORO OCC.
Mandaluyong Invitational tourney… ‘MIGHTY 9’ NG GSF RAVEN TANAY SIKARAN