ALAMIN: 47 ruta ng UV Express na pinayagan makabiyahe ng LTFRB simula Lunes

INAPRUBAHAN na ng Land Transportation Franchising and Regulatory Board (LTFRB) ang pagbiyahe ng mga UV Express sa Metro Manila at ilang kalapit na probinsiya simula Lunes.

Sa ipinalabas na pahayag ni LTFRB chairman Martin Delgra, sinabi nito na inaprubahan niya na ang guidelines para sa pagpasada ng 980 UV Express sa 47 ruta na hindi na kailangan pa mag-apply ng special permits.

Narito ang listahan ng mga aprubadong ruta para sa UV Express:

1. Meycauayan – Central Integrated Terminal (QC)
2. Obando – MRT North Ave., QC
3. Sto. Niño (Meycauayan Bulacan) – MRT North Ave.
4. Sto. Niño (Meycauayan Bulacan) – Trinoma, MRT North Ave., Mindanao Ave.
5. Heritage (Meycauayan Bulacan) – SM North (QC)
6. Marilao (Bulacan) – SM North Ave.
7. Sto. Niño (Meycauayan Bulacan) – Central Integrated Terminal (QC)
8. SM Marilao (Bulacan) – Sm North (QC)
9. Malhacan (Meycauayan Bulacan) – Quezon Ave. via NLEX
10. Malhacan (Meycauayan Bulacan) – Central Integrated Terminal (QC)
11. Marilao – Central Integrated Terminal (QC)
12. Marilao Terminal – Quezon Ave. Terminal (MRT)
13. Turo (Bocaue, Bulacan) – Central Integrated Terminal
14. Turo (Bocaue, Bulacan) – Central Integrated Terminal via NLEX
15. Turo (Bocaue, Bulacan)) – Mrt / Quezon Ave. Terminal via NLEX
16. SM Marilao (Bulacan) – Central Integrated Terminal
17. Meycauayan – Recto
18. Balagtas – Monumento
19. Springville, Molino Bacoor – Alabang via Daanghari
20. Molino – Alabang via Daanghari
21. Molino Bacoor – Ayala Center Terminal via Skyway
22. Golden City (Dasmariñas) – Ayala Center
23. Pacita – Makati Square
24. Pacita Complex – Ayala Center Terminal via San Pedro Exit
25. Pacita Complex (Laguna) – SM Makati
26. Pacita (San Pedro, Laguna) – Makati Square
27. Pacita Complex – Ayala Center via Southwoods Exit
28. Barangay Mamatid (Cabuyao, Laguna) – Festival Mall
29. Mamatid (Cabuyao, Laguna) – Festival Mall (Alabang)
30. Balibago (Laguna) – SM Southmall (Las Piñas)
31. Taytay – EDSA Central
32. Greenland Executive Village (Cainta) – Ayala
33. Rodgriguez – Sta. Lucia Grandmall (Cainta)
34. Masinag – Ayala
35. Antipolo – Ayala
36. Antipolo – Ayala Via C5
37. Antipolo – Ayala Via Tikling
38. Antipolo – Ayala Via Circumferencial Rd.
39. San Mateo (Rizal) – Ayala Ave.
40. Binangonan – Sta. Lucia (Cainta)
41. Binangonan – SM Megamall
42. Binangonan -EDSA Starmall
43. Binangonan – EDSA Central
44. Binangonan – Marikina Riverbank via LRT Santolan
45. Cardona – EDSA Starmall
46. Cardona – EDSA Central
47. Morong – SM Megamall

Ayon kay Delgra, alinsunod ito sa polisiya ng Department of Transporation (DOTr) para sa dahan-dahan at calibrated na pagbabalik ng mga pampublikong transportasyon sa Metro Manila sa ilalim ng general community quarantine (GCQ).

Kasabay nito, mariin namang pinaalalahanan ni Delgra ang mga drivers at operators ng mga UV express na mahigpit na sundin ang inilatag na guidelines ng LTFRB sa ilalim ng Memorandum Circular 2020-025.

Mananatili rin aniya ang umiiral nang fare rate sa mga UV Express na P2.00 kada kilometro at walang gagawing adjustment sa pasahe.

Sinabi naman ni Delgra na hindi pa rin nila isinasantabi ang posibilidad na pagdedeploy ng mga karagdagang moderno at tradisyunal na jeepney sa mga susunod na araw.