Naglabas ang Land Transportation Franchising and Regulatory Board (LTFRB) ng opisyal na summary ng fare adjustments para sa mga pampublikong sasakyan.
Sa ilalim ng bagong direktiba, ang minimum fare sa traditional jeepney (TPUJ) para sa unang apat na kilometro ay magiging P14.00 na, mula sa dating P13.00.
Para naman sa modern jeepney (MPUJ), ang panimulang pamasahe ay tataas sa P17.00 mula sa dating P15.00. Ang bawat susunod na kilometro para sa traditional jeep ay magkakaroon ng dagdag na P0.20, kaya ito ay magiging P2.00 na mula sa P1.80, habang ang modern jeep naman ay magiging P2.40 kada kilometro.
Hindi rin nakaligtas sa adjustment ang mga city bus kung saan ang ordinaryong bus ay maniningil na ng P15.00 para sa unang limang kilometro, na nagpapakita ng P2.00 na dagdag mula sa dating P13.00.
Ang mga air-conditioned city bus naman ay magpapatupad ng P3.00 na dagdag, kaya ang minimum fare nito ay magiging P18.00 na mula sa dating P15.00.
Sa bawat susunod na kilometro, ang singil sa ordinaryong bus ay magiging P2.49, habang ang air-conditioned bus ay nasa P2.98.
Bilang halimbawa ng epekto nito sa mga komyuter, ang biyaheng Cubao patungong Divisoria na may layong sampung kilometro ay magkakaroon ng bagong pamasahe na P26.00, na katumbas ng siyam na porsyentong itinaas.
Para naman sa rutang SM Fairview hanggang Luzon Avenue, ang bagong pasahe sa bus ay aabot na sa P27.45, na nagpapakita ng labintatlong porsyentong pagtaas mula sa dating singilin.
Ang mga hakbang na ito ay bahagi ng fare increase press briefer na inilabas ng kagawaran upang magbigay ng malinaw na gabay sa publiko.
About the Author
