ISKO, SV, IBA PANG KANDIDATO, PINAGPAPALIWANAG NG COMELEC SA UMANO’Y VOTE BUYING

MANILA — Kinumpirma ng Commission on Elections (Comelec) nitong Huwebes na naglabas na sila ng mga show cause order laban sa ilang kandidato sa Maynila, kabilang sina dating alkalde Isko Moreno at kinatawan ng party-list na si Samuel Versoza, kaugnay ng umano’y insidente ng vote buying.

Kasama rin sa mga pinadalhan ng nasabing order ang mga sumusunod:

• Jerry Jose
• Richard Kho
• Levito Baligod
• Marilou Baligod
• Julian Edward Emerson Coseteng
• Anna Katrina Hernandez
• Dale Gonzalo Rigor Malapitan

Ang mga kandidatong ito ay inaatasang magpaliwanag kung bakit hindi sila dapat masampahan ng kasong administratibo o kriminal dahil sa umano’y paglabag sa election laws.

Ayon kay Moreno, wala pa siyang natatanggap na kopya ng nasabing utos hanggang alas-tres ng hapon. Samantala, wala pang pahayag ang ibang kandidato habang sinusubukang kunan ng reaksyon ng ABS-CBN News.

Kamakailan lang ay naglabas din ng show cause order ang Comelec laban kay senatorial candidate Camille Villar at iba pang mga kandidato dahil rin sa kaparehong alegasyon.

Patuloy ang paalala ng Comelec sa publiko: “Vote buying at vote selling ay hindi lang labag sa batas — ito ay banta sa malinis at patas na halalan.”