Marcos admin, nakatutok sa mga hakbang para makamit ng PH ang pagiging upper-middle income

SINABI ni Navotas Representative Toby Tiangco na ang administrasyong Marcos ay patuloy na gumagawa ng mga kinakailangang hakbang upang matulungan ang Pilipinas na makamit ang pagiging upper-middle income sa 2026.

“Climbing up to a higher bracket would be a milestone for our country. NEDA has expressed optimism that we will reach upper-middle income status by 2026, if not sooner,” ani Tiangco.

“To help keep the country on track, the Marcos administration continues to implement programs and policies aimed at increasing investments and generating jobs to sustain the country’s upward momentum,” dagdag niya.

Ang isang bansa ay inuri bilang upper-middle income kapag umabot ito sa per capita gross national income (GNI)—o ang kabuuang halaga ng perang kinita ng mga tao at negosyo ng isang bansa sa loob at labas ng bansa—sa pagitan ng $4,516 at $14,005.

Sa Southeast Asia, ang Indonesia, Thailand at Malaysia ay kabilang sa grupong ito, habang ang Singapore at Brunei ay itinuturing na mataas ang kita.

“Finally, after so many years, makakahabol na tayo. The Marcos administration is determined to ensure that we no longer lag behind our ASEAN neighbors,” aniya.

Binigyang-diin niya na bagama’t mahalaga ang economic classification, nananatiling nakatutok ang administrasyon sa inclusive growth.

“Rising to a higher income group is a great achievement, but it’s not the end goal. The true objective is to uplift the lives of Filipinos—through better education, more jobs, and poverty reduction,” dagdag niya.

Nagpahayag din si Tiangco ng suporta para sa bagong lagdang Department of Economy, Planning and Development (DEPDev) Act, na pinaniniwalaan niyang magpapahusay sa pangmatagalang pagpaplano ng ekonomiya at pagpapatuloy ng patakaran.

Noong Abril 10, 2025, nilagdaan ni Pangulong Ferdinand R. Marcos Jr. ang Economy, Planning, and Development Act (Republic Act [RA] No. 12145), na nagsabatas sa charter ng DEPDev.

Nakatakdang likhain ng DEPDev ang unang 25-taong imprastraktura masterplan ng bansa upang matiyak na magpapatuloy ang mga kritikal na proyekto sa kabila ng mga pagbabago sa administrasyon.