Antonio mapapalaban sa matinding hamon sa World Engineering Day chess tilt

Ang 12 – time Philippine Open titlist na si Grandmaster Rogelio “Joey” Antonio Jr., 2 time Asian Senior champion International Master Jose Efren Bagamasbad at National Master  Almario Marlon Bernardino Jr. ay makikipagtagisan ng talino  sa 3rd D’ Engineer’s Cup rapid chess tournament sa Sabado, Marso 8, 2025 sa Koten Enterprises Inc. Corporate office, F.B. Harrison Street, Pasay City.

Ang 1 day rapid event (armageddon format 10 minuto para sa puti at 9 minuto para sa itim na time control format), na sinuportahan ng IIEE, ay nag-aalok ng P7,000 kasama ang painting mula sa Life ‘N Arts para sa kampion at P3,000 para sa runner up. Ito ay bahagi ng Philippine Technological Council – World Engineering Day (PTC – WED) at National Engineering Month celebration.

Ang tournament director ay ang IIEE National Past President na Engr. Allan Anthony Alvarez.

“Magiging napakahirap na laban ito laban sa mga manlalaro mula sa Metro Manila. Hindi naman papatalo ang mga manlalaro mula sa mga kalapit na lalawigan.” sabi ni Antonio.

“Inaasahan namin ang mga mahihirap na laban ngunit gagawin namin ang aming makakaya,” dagdag ni Bagamasbad.

Ang iba pang mga Pilipino na lalahok sa kompetisyon ay sina IM Chito Garma, IM Angelo Young, FM Narquingden Reyes, FM Noel Dela Cruz, NM Gerald Ferriol, NM Romeo Alcodia, Sherwin Tiu, Narquingel Reyes, Jeremy Marticio, Dr. Fred Paez at Reymond Ompod.

Upang makumpleto ang 16 qualifiers, ang pinakamahusay na manlalaro ng kampeyon at runner up sa team event ay makaka-advance. Mayroong 12 teams na may 5 manlalaro bawat isa mula sa Geodetic Engineers of the Philippines, Philippine Society of Mechanical Engineers, Philippine Institute of Civil Engineers, Philippine Institute of Chemical Engineers, Institute of Electronic Engineers, Philippine Society of Mining Engineers at mga team mula sa Institute of Integrated Electrical Engineers (IIEE) na kumakatawan sa mga chapter ng Singapore, Metro Central, Metro South, Metro East, Southern Laguna at Quezon. Ang Asia’s First Grandmaster na si Eugene Torre, CIDG Director na si Nicolas Torre III, Santo Tomas, Pangasinan Mayor na si Dickerson Dauz Villar, National Chess Federation of the Philippines (NCFP) Board of Director na si Judge Gonzalo Mapili, Mr. Jeff Bugayong, Former Philippine Ambassador to Bangladesh, Sri Lanka & Maldives na si Leo Tito Ausan Jr.

Si Leo Tito Ausan Jr. at board of Electrical Engineering chairman na si Francis Mapile ay imbitado na gumawa ng tradisyonal na ceremonial moves.

Samantala, sina Antonio, Bagamasbad at Bernardino ay nakatakdang makipag – kumpetisyon sa Australian chess circuit sa susunod na buwan.

Sila ay makikipag – kumpetisyon sa 2025 Melbourne International Open na gaganapin mula Abril 7 – 14, 2025 sa Melbourne, ang 2025 Doeberl Cup mula Abril 17 – 21, 2025 sa Canberra at ang Sydney International Open Chess Championships mula Abril 23 hanggang 27, 2025 sa Sydney. DANNY SIMON