LARGA na ang lahat ng sistema sa Puerto Princesa para sa sasagwan na 2nd Int’l Dragon Boat Festival na naglalayon ding palawigin pa ang sports tourism sa naturang tourist hub sa katimugan ng bansa.
Nilagdaan kamakalawa nina Mayor Lucilo Bayron ang kasunduan sa pamunuan ng Philippine Canoe Kayak Dragonboat Federation (PCKDF) kung saan ay idaraos ang karera sa tubigan sa Nobyembre -ang 2nd Puerto Princesa International Dragon Boat Festival kapirmahan si PCKDF top brass Leonora Escollante na patunay lang ng kanilang dedikasyon para sa ikatatagumpay ng dambuhalang international na kaganapan sa larangan ng palakasan.
“Our objective is to establish Puerto Princesa as a capital of sports tourism, and this dragon boat festival is part of our wider sports tourism program. We anticipate a vibrant economy as we welcome numerous participants to the event,” wika ng Alkalde.
Optimistiko si Bayron na aakit ang event ng partisipasyon mula lokal at international paddlers sa buong mundo na handang makipagtunggali sa kapana-panabik na water sports competition.
Sinabi naman ni Escollante na ang naturang dragon boat festival ay itinakda mula Nobyembre 17 hanggang 19 sa Puerto Princesa Bay, na nasa 10 hanggang 12 dragon boat teams ang lalahok.
“We will actively involve our local dragon boat players and may even offer a clinic for them. As a result, there will be separate categories for local participants and international paddlers,” pahayag ni Escollante
Ayon pa kay Escollante,ang Puerto Princesa ay maghu- host ng international dragon boat festival sa ikalawang pagkakataon. Noong 2017, ini-host ng siyudad ang unang local festival na sinundan ng international hosting noong 2018.
More Stories
Anong say mo, Gretchen? ATONG ANG AT SUNSHINE CRUZ MAY RELASYON
Mayor, konsehal at kawani, dinakip sa kasong rape
WANTED NA KUMUHA NG POLICE CLEARANCE ARESTADO SA MAYNILA