PATAY ang walong katao sa nangyaring sunog sa Village A, Barangay UP Campus, Diliman, Quezon City ngayong Lunes ng umaga.
Ayon sa Bureau of Fire Protection, sugatan din ang tatlong katao sa nangyaring sunog habang 80 kabahayan ang naabo.
Una nang napaulat na nagsimula ang sunog ganap na alas-5:20 ng umaga, at mabilis na kumalat ang apoy dahil gawa sa light materials ang mga bahay. Umabot sa ikalawang alarma ang sunog dakong alas-5:38 ng umaga.
Tuluyang naapula ang apoy bandang alas-7:00 ng umaga. Dalawang fire truck at dalawang ambulansiya ang nagresponde sa pinangyarihan ng sunog.
Patuloy na iniimbestigahan ng mga awtoridad ang sanhi ng sunog, pero may napaulat na nagsimula ang sunog sa second floor ng kwarto ng isang nagngangalang Emirys Artuge. Apektado ang 250 pamilya sa nangyaring sunog at umabot sa P150,000 ang halaga ng pinasala nito.
More Stories
Pinuno ng Japanese Crime Syndicate, Nalambat ng BI sa Pampanga
Korte, Nagpasok ng ‘Not Guilty’ Plea para kay Teves sa Kasong Illegal Possession of Firearms
Bike Lane Barriers sa EDSA, Tahimik na Inalis — mga Cyclist, Nanganganib!