PITO katao na ang iniulat na nasawi habang dalawa ang sugatan at dalawa ang nawawala nang yanigin ng magnitude 6.8 lindol ang ilang bahagi ng Mindanao, Biyernes ng hapon.
Ayon sa National Disaster Risk Reduction and Management Council (NDRMMC) ngayong Sabado, tatlo ang naitala sa General Santos; dalawa sa Glan, Sarangani; at tig isa sa Jose Abad Santos, Davao Occidental at Malapatan, Sarangani na bahagi ng Mindanao.
Ang dalawang sugatan ay naitala sa Glan, Sarangani habang ang dalawang nawawala ay iniulat sa General Santos.
Sinabi ng NDRMMC na 450 katao sa Davao Region at Soccsksargen ang nagamot na sa hyperventilation at pag-panic.
Sinabi ng Philippine Institute of Volcanology and Seismology na 61 aftershocks na ang naitala mula alas-11:00 ng umaga.
More Stories
P761K droga, nasamsam sa Caloocan buy bust, 3 tiklo
Leader ng “Melor Robbery Gang” na wanted sa Valenzuela, timbog!
VP Sara tinatakasan P612.5-M confidential fund