PERSONAL na pinangunahan at sinaksihan ni Justice Secretary Jesus Crispin Remulla ang deportation o pagpapauwi sa mga Chinese nationals na nagtatrabaho sa mga POGOs o Philippine Online Gaming Operators.
Batay sa report ng Bureau of Immigration, dakong alas-2:40 ng hapon kahapon ay bumiyahe pauwi sa Wuhan, China, lulan ng Philippine Airlines flight PR 316 ang anim na Chinese illegal workers.
Kinumpirma naman ng Department of Justice na mayroon pang mahigit 400 Chinese POGO workers na nasa kanilang kustodiya ang nakatakda na rin ideport.
Kaugnay nito ay kinansela na rin ng Bureau of Immigration ang visa ng 1,424 Chinese workers sa mga illegal POGO outlets.
Samantala sa kabuuan ay umabot sa 48,782 employees ang kailangang pabalikin sa China.
More Stories
SENADO NAG-CONVENE BILANG IMPEACHMENT COURT
Pinuno ng Japanese Crime Syndicate, Nalambat ng BI sa Pampanga
Korte, Nagpasok ng ‘Not Guilty’ Plea para kay Teves sa Kasong Illegal Possession of Firearms