4 PATAY SA SAGUPAAN SA BASILAN, DAHIL SA SIGALOT SA HALALAN

Natodas ang apat na katao makaraang  magkasagupa ang dalawang grupo sa Brgy. Langil, Hadji Mohammad Ajul, Basilan ngayong Mayo 11.

Niratrat ng bala sina alyas “Mar” at “Rani” habang nagsasagawa ng inspeksyon sa isang bahay malapit sa paaralan na lalagyan sana ng perimeter fence para sa halalan bukas.

Dedo rin ang dalawang suspek na sina alyas “Imbo” at “Jun” nang barilin ng mga kaanak ng mga biktima at saksing residente. Narekober sa kanila ang dalawang M16 rifle at ilang magazine.

Isang manhunt  operation  ng pulisya ang isinagawa sa iba pang suspek sa insidente. (BERNIE GAMBA)