3 Pinay, Nailigtas mula sa Malaysia matapos Ma-trap sa Human Trafficking

ZAMBOANGA CITY, Abril 5, 2025 — Tatlong kababaihang Pilipina na umano’y nabiktima ng human trafficking at pinilit na magtrabaho sa Malaysia bilang sex workers ay matagumpay na na-repatriate, ayon sa ulat ng Bureau of Immigration (BI).

Ayon kay BI spokesperson Dana Sandoval, ang tatlong kababaihan, edad 30 hanggang 32, ay dumating sa Port of Zamboanga noong Abril 5 mula sa Sandakan, Sabah saksi ng MV Antonia.

Batay sa paunang imbestigasyon, nakatanggap ang mga biktima ng alok na trabaho bilang mga waitresses sa Malaysia na may sahod mula P40,000 hanggang P60,000 kada buwan. Ngunit sa kanilang pagdating, napilitang magtrabaho bilang guest relations officers (GROs) sa mga bar.

Dalawa sa mga biktima ang umalis ng Pilipinas noong Nobyembre 2024 gamit ang ilegal na ruta, kilala bilang “backdoor” o illegal maritime corridor, upang makaiwas sa mga immigration procedure sa mga pormal na pantalan. Sila ay dumaan mula Palawan papuntang Malaysia saksi ng maliliit na bangka, upang hindi mahuli ng mga otoridad.

Pagdating nila sa Sabah, dinala sila sa isang bar-restaurant at doon na sila nahuli ng mga awtoridad ng Malaysia dahil sa pagkakaroon ng walang tamang dokumentasyon. Nanatili sila sa Malaysia ng limang buwan bago tuluyang pabalikin ng mga awtoridad at ipinaabot sa mga opisyal ng Pilipinas.

Ayon kay Sandoval, isa sa mga biktima ang nagsabing siya ay na-traffic na noong 2021 at patuloy na in-exploit mula noon.

Pinayuhan ng BI ang publiko na kung may impormasyon ukol sa mga kahina-hinalang aktibidad ng human trafficking o illegal recruitment, makipag-ugnayan sa Inter-Agency Council Against Trafficking (IACAT) sa kanilang 24/7 Actionline 1343. (ARSENIO TAN)