29 PNP OFFICIAL BINALASA NI GEN. TORRE

Isang malawakang balasahan ang isinagawa sa Philippine National Police (PNP) sa ilalim ng bagong pamumuno ni PNP Chief Gen. Nicolas Torre III, kung saan hindi bababa sa 29 na senior officials ang nabigyan ng bagong posisyon batay sa Special Order No. NHQ-SO-URA-2025-4249 na epektibo ngayong Huwebes, Hunyo 19.

Kabilang sa mga itinalaga ay apat na bagong regional directors para sa iba’t ibang Police Regional Offices (PROs):

• PBGen. Jack Wanky, bagong director ng PRO 4A (Calabarzon), kapalit ni PBGen. Paul Kenneth Lucas na nailipat bilang deputy regional director ng NCRPO.
• PBGen. Ponce Rogelio Peñones, pumalit kay Wanky bilang director ng PRO 6 (Western Visayas).
• PBGen. Rolindo Suguilon, dating OIC ng CIDG, itinalaga sa PRO 10 (Northern Mindanao).
• PBGen. Joseph Arguelles, bagong director ng PRO 11 (Davao Region).

Ilang opisyal din sa Metro Manila ang naitalaga sa mga bagong pwesto:

• PBGen. Arnold Abad, bagong hepe ng Northern Police District (NPD).
• PBGen. Randy Arceo, itinalagang hepe ng Southern Police District (SPD).

Samantala, pinalitan ni PBGen. Romeo Macapaz si Gen. Torre bilang bagong director ng Criminal Investigation and Detection Group (CIDG) matapos siyang italaga bilang PNP chief.

Narito pa ang ilan sa mga mahahalagang itinalagang opisyal:

• PMGen. Robert Alexander Morico II – Chief, Area Police Command–Visayas
• PBGen. Frankie Candelario – Directorate for Intelligence
• PBGen. Jonas Amparo – PNP Retirement and Benefits Administration Service
• PBGen. Martin Defensor – Finance Service
• PBGen. Noel Vallo – Logistics Support Service
• PCol. Felix Verbo Jr. – Chief, National Police Training Institute (NPTI)
• PBGen. Melecio Buslig Jr. – Deputy Regional Director for Administration, PRO 4B (Mimaropa)
• PBGen. Warren Gaspar Tolito – Chief of Staff, PNP Academy
• PBGen. Glicerio Cansilao – Director, Anti-Kidnapping Group
• Col. David Poklay – Director, Intelligence Group
• PBGen. Christopher Abecia – Director, Maritime Group
• PBGen. Jason Capoy – Director, Aviation Security Group
• PBGen. Edwin Quilates – Director, Drug Enforcement Group

Ayon kay Gen. Torre, layon ng reshuffle na ito na mapalakas ang pamumuno at operasyon ng PNP. Hinimok niya ang mga bagong opisyal na pairalin ang integridad, propesyonalismo, at katarungan sa kanilang mga tungkulin.