268 PATAY SA INDONESIA QUAKE

UMAKYAT na sa dalawang daan at animnapu’t walo ang patay sa tumamang magnitude 5.6 na lindol sa Java, Indonesia.

Nadagdagan ng mahigit isang daan ang bilang ng mga nasawi sa loob lamang ng isang araw sa harap ng nagpapatuloy na search and rescue operations.

Pahirapan din ang pagpunta sa ilang lugar dahil sa mga nasirang kalsada.

Sinabi naman ng Indonesian National Disaster Mitigation Agency na mahigit isanlibo rin ang nasugatan, at mahigit isandaan at limanpu pa ang nawawala.

Mababatid na naramdaman ang pagyanig noong lunes at naitala ang sentro nito sa Cianjur Region ng West Java.

Bumisita na si Indonesian President Joko Widodo sa mga lugar na tinamaan ng lindol at nangako ito ng compensation sa mga biktima.