2 ESTUDYANTE NIRATRAT NG BALA; 1 PATAY, 1 SUGATAN

DALAWANG senior high school students ang binaril nitong Lunes ng umaga habang papunta sa kanilang paaralan sa Pikot, North Cotabato.

Ang mga biktima, na pawang estudyante ng Nurol Eilm Academy Foundation Inc., ay bumibiyahe lulan ng motorsiklo sa kahabaan ng Sitio Baklayan sa Brgy. Inug-Ug nang pagbabarilin sila ng hindi panakikilalang mga salarin.

Isa sa mga biktima na si Muslimin Sandialan, isang grade 11 student ng Barangay Kabasalan ang namatay sa pamamaril. Habang sugatan ang kasama nito na kilala lamang sa pangalang Raffy na isinugod sa ospital.

Agad initasan ni Pikit Mayor Sumulong Sultan ang Pikit Municipal Police Station at 40^th Infantry Battalion ng Philippine Army na maglunsan ng munhunt operation laban sa mga suspek para sa ikadarakip ng mga ito.

Wala pang malinaw na motibo ang mga awtoridad hinggil sa krimen.