19 SASAKYAN NA NAKAPARADA SA NAIA TERMINAL 3 NASUNOG

NASUNOG sa naganap na grass fire ang 19 nakaparadang sasakyan sa Ninoy Aquino International Airport (NAIA) Terminal 3 sa Pasay City, ngayong hapon.

Ayon sa inisyal na ulat ng Pasay Cjty Bureau of Fire Protection, dakong ala-1:20 ng hapon ng sumiklab ang sunog sa madamong bahagi ng Extension Parking, NAIA Teminal 3.

Mabilis ang pagkalat ng apoy kung saan 19 na sasakyan ang napaulat na nadamay sa sunog.

Kaagad namang rumesponde ang mga bumbero at ala 1:50 ng hapon ng maideklarang fire out ang sunog.