Natagpuan na lamang na wala nang buhay ang isang 17-anyos na babae at ang kanyang sanggol na anak sa loob ng kanilang bahay sa Barangay Talogoy, matapos magreklamo ang mga kapitbahay sa masangsang na amoy na nagmumula sa lugar, Huwebes, Mayo 2.
Ayon sa pulisya, kapwa nagtamo ng mga taga sa ulo at leeg ang mag-ina. Narekober sa crime scene ang isang bolo na pinaniniwalaang ginamit sa krimen.
Itinuturong suspek ang live-in partner ng babae, na nakatakas matapos ang krimen. Lumalabas na ilang araw bago ang insidente, nagsumite ng reklamo ang magkasintahan sa barangay noong Abril 15 dahil sa isang alitang pampamilya.
Pinaniniwalaan ng mga imbestigador na noong Abril 29 pa pinaslang ang mga biktima, ngunit natuklasan lang ang krimen makalipas ang tatlong araw.
Isa sa mga tinitingnang motibo ng pulisya: selos.
Patuloy ang manhunt operation laban sa suspek, habang puspusan rin ang follow-up investigation para sa hustisya ng pinaslang na ina at sanggol.
More Stories
Sudden-Death Semis: UST at NU Laban Para sa Final Spot sa UAAP Men’s Volleyball
131 LGUs Balak Kasuhan ng ARTA Dahil sa Kabiguan Magpatayo ng e-BOSS Laban sa Red Tape at Katiwalian
Truck ng Comelec Service Provider Nahulog sa Bangin sa CDO; 1 Patay