𝟏𝟎𝐊 𝐀𝐲𝐮𝐝𝐚 𝐁𝐢𝐥𝐥 𝐬𝐢𝐧𝐢𝐦𝐮𝐥𝐚𝐧 𝐬𝐚 𝐂𝐚𝐥𝐨𝐨𝐜𝐚𝐧!

NAGSIMULA nang makatanggap ng P10,000 na tulong pinansiyal ang mga piling tricycle drivers sa ika-2 Distrito ng Caloocan.

Pinangunahan ni Congressman Egay Erice sa pakikipagtulungan ni Congressman Alan Peter Cayetano ang pamamahagi ng nasabing tulong.

Batid ni Erice na sa simpleng paraan ng pagtugon ay may hatid itong maganda para sa mga tricycle driver na apektado bunsod ng nararanasang krisis dahil sa coronavirus o COVID-19.

Hindi alintana kay Erice ang pagod at perang naimapahagi dahil higit na kailangan ng mga tricycle driver ang pagdadamayan laban sa banta ng nakakamamatay ng sakit.

Nagpapasalamat din ang naturang kongresista na naging daan upang makapag-hatid ng tulong sa ating mga kababayan sa Caloocan.

Samantala itinutulak naman ni Congressman Cayetano sa Kamara na maipasa ang P10K Ayuda Bill kung saan makatatanggap ng P10,000 (cash aid) ang bawat pamilyang Pilipino sakaling ito’y tuluyang maisabatas.