March 29, 2024

PH POOMSAE TEAM, HUMAKOT NG 5 MEDALS SA SOUTH KOREA

Humakot ng kabuuang 5 medals ang PH Poomsae team sa Goyang 2022 World Taekwondo Poomsae Championships in South Korea. Nakakamig ang team ng 1 gold, 2 silver at 2 bronze medals sa torneo.

Kinamig ni Ernesto Guzman Jr ang ginto sa men’s under 50. Inambag naman ng tandem nina Ian Corton at Nicole Abayne ang 1 silver. Wagi ang dalawa sa Pair-under 17. Ang isa pang silver ay inambag ng tandem nina Justin Kobe Macario at Juvenile Crisostomo. Dinomina ng tambalan ng dalawa ang free-style pair over 17.

Hinablot naman ni Rodolo Reyes Jr ang isa sa bronze sa male-under 30. Habang ang isa pa ay sinungkit ni Darius Venerable sa freestyle male over 17. Nag-aabot naman ng pagbati ang Philippne Sports Commission (PSC) sa karangalang ibinigay ng mga atleta.\