MIAMI HEAT, PINILIPIT NG LOS ANGELES CLIPPERS

Dalawang sunod na gabi nang minamalas ang Miami Heat sa kanilang road game sa Los Angeles. Natalo sila kahapon sa LA Lakers, 120-117. Ngayon naman ay pinilipit sila ng Los Angeles Clippers sa iskor na 112-09.

Ang masakit, tinambakan ng Heat ang Clippers sa kaagahan ng laro ng 17 points. Ngunit, nakaalikwas ang huli sa pangunguna ni Paul George. Nagtala si George ng 27 points, 5 assists, 4 boards at 3 stl.

Nag-ambag naman si Reggie Jackson ng 22 points, 3 boards at 2 assists. Habang si Eric Bledsoe naman ay bumira ng 21 markers, 3 boards 3 ast at 3 blk. Sa panig naman ng Heat, kumana si Bam Adebayo ng 30 points at 11 boards.

Habang si Kyle Lowry naman ay bumanat ng 25 points at 5 assists. Si Tyler Herro naman ay bumuslo ng 23 points, 7 rebounds at 3 assists.