Kai Sotto, pinakikiramdaman ng SBP kung sasali sa Gilas

Welcome si Kai Sotto na mapasali sa Gilas Pilipinas 10.0 pool para sa upcoming tourneys. Lalo na sa paghahanda sa Fiba World Cup sa 2023. Gayunman, wala pang kompirmasyon ang Samahang Basketball ng Pilipinas sa intensyon nito.

Ayon kay SBP president Al Panlilio, hinihintay lang nilang magparamdam ang 7-foot-2 cager. Malaking tulong ang taas nito para sa line-up ng national team. Lalo na nga’t may experyens na si Sotto sa international pro-league sa Australia.

Kung interesado aniya si Sotto, dapat kumilos na makipag-ugnayan na ito sa SBP.

 “We just want a better understanding of what his plans are. We want a commitment for all three months [leading to the World Cup]. Mahirap kung may exemptions,” ani Panlilio.