Jema Galanza, bumida sa pagyupi ng Creamline sa Chery Tiggo

Bumida si Jema Galanza sa pagyupi ng Creamline sa Chery Tiggo, 25-14, 25-20, 21-25, 28-26. Dahil sa panalo, pormal nang nakapasok sa playoffs ng PVL Invitational Conference ang Cool Smashers. Baon nito ang 4-1 win-loss record sa conference.

Pumalo ng 23 points si Galanza mula sa 21 attacks. Kasama na rin ang 2 aces at 7 excellent receptions.

Nag-ambag naman si Tots Carlos ng 20 points off 17 attacks, 2 blocks, 1 ace at 13 digs. Nagdagdag si Alyssa Valdez ng 16 markers at 13 digs. Habang si Jia De Guzman ay naglista ng 23 excellent sets.

“We knew that Chery will not go down without a fight. I’m glad that my team played well today,” ani Creamline coach Sherwin Meneses.

“Hopefully, we get one more win on Saturday before entering the semifinals,” dagdag nito.