March 28, 2024

Batakan ng shabu sinalakay, 7 arestado

Arestado ng mga tauhan ng Station Drug Enforcement Unit ng Valenzuela Police ang pitong katao  matapos maaktuhang simisinghot ng shabu sa naturang siyudad.

Kinilala ang mga naarestong suspek na sina Sammy Iglisias, Ronelio Enriquez, Imelda Mallari, Gilbert Francisco, Ronnie Cabuso, Josephine Mallari, at Divine Mallari.

Ayon sa report, isinagawa ang buy-bust operation sa pangunguna ni P/Msgt. Roberto Santillan matapos makatanggap ng tip kaugnay sa isang bahay na ginagawang puwestuhan ng mga adik sa 308 Dulong Tangke St., Malinta, Valenzuela City.

Narekober sa mga suspek ang limang pirasong plastic shachet na hinihinalang shabu, P500, buy-bust money, cellphone, at mga drug paraphernalia. (RIC ROLDAN)