Alegarbes, sumisid ng  2 gold medals sa Para Games

Sumisid si Ariel Joseph Alegarbes ng 2 gold medals sa 11th Asean Para Games. Dahil dito, record-breaking style ang kanyang ginawa sa Jatidiri Sports Complex pool sa Semarang, Indonesia.

Pinagbidahan ni Alegarbes ang men’s 100-meter backstroke S14 event. Niratsada nito ang 10 meters sa pagtala ng 1 minute at 03.01 seconds.  Nalampasan niya si Muhammed Imaan Aiman ng Malaysia. Nagtala lamang ito ng 1:03.20. habang ang pambato ng Thailand na si Mrjiachot Chuvong ay nagtala ng 1:11.68.

Matapos nito, muling nanalasa ang 18-anyos na pride ng Victoria, Negros Oriental. Muli siyang naghari sa men’s 50- butterfly S14 sa 26.43 seconds. Kung kaya, naitala niya ang golden double sa kanyang rookie stint sa biennial meet.